ქართულ-გერმანული ცენტრი (ქგც) ქუთაისში 1995 წლის 27 სექტემბერს დაარსდა. მისი შექმნის მნიშვნელობაზე მეტყველებს ის ფაქტი, რომ ცენტრის საზეიმო გახსნას ესწრებოდნენ საქართველოს პრეზიდენტი, კათოლიკოს-პატრიარქი, გერმანიის ელჩი საქართველოში, ასევე ქართველი და გერმანელი ინტელიგენციის ფართო წრის წარმომადგენლები.

ქგც-ს მიზანია გერმანული კულტურის პოპულარიზაცია საქართველოში, ქართველი და გერმანელი ხალხის დაახლოება, მათ შორის კულტურული და ეკონომიკური კავშირების დამყარება და განმტკიცება. ორგანიზაცია იმერეთში ჩამოსულ ყველა გერმანელ სტუმარს უქმნის სასიამოვნო გარემოს დასვენებისთვის, ქართული კულტურის გასაცნობად და საქმიანი ურთიერთობების დასამყარებლად.

ქართულ-გერმანული ცენტრი ახორციელებს მრავალფეროვან პროგრამებს, პროექტებსა და ღონისძიებებს სხვადასხვა მიმართულებით:

• • • გერმანული ენის შემსწავლელი კურსი

    • მოსწავლეთა პროგრამა გერმანიაში

    • არდადეგებზე სტუდენტთა დასაქმების პროგრამა გერმანიაში

    • პრაქტიკა და ჰოსპიტაცია გერმანიაში

    • პროფესიული განათლების პროგრამა გერმანიაში

    • ქ. გელზენკირხენის საქველმოქმედო აქცია

    • ქ. ვადერნის საქველმოქმედო აქცია

    • პარტნიორობა გერმანიის ფედერაციული რესპუბლიკის საელჩოსთან საქართველოში

    • თანამშრომლობა გოეთეს ინსტიტუტთან, და DAAD-თან საქართველოში

    • კულტურა და ხელოვნება

  წლების წინ დაწყებული კულტურული, საგანმანათლებლო და საქველმოქმედო ურთიერთობები დღემდე გრძელდება. თითოეული გერმანელი მეგობრის მიერ წამოწყებული ინიციატივა, გაწეული ქველმოქმედება თუ დამყარებული ახალი კავშირები არა მხოლოდ ცალკეულ ადამიანთა ისტორიას ქმნის, არამედ ორი ერის ურთიერთობის საუკეთესო მაგალითსაც წარმოადგენს.

  მეგობრები გვილოცავენ 25 წლის იუბილეს (იხ. ვიდეო)

ელჩები ჩვენს შესახებ:                                                                              ჩვენი ჰიმნი: