უდიდეს გერმანულ კონცერნთან „BayWa AG“ თანამშრომლობის ფარგლებში ქართულ–გერმანული ცენტრი დაინტერესებულ პირებს სთავაზობს მაღალანაზღაურებად პრაქტიკას გერმანიაში ეკონომიკის, ფინანსებისა და საბუღალტრო საქმის, ბიზნეს მენეჯმენტის, მათემატიკისა და კომპიუტერული მეცნიერებების მიმართულებით.
პრაქტიკის გავლა შესაძლებელია 6-დან 12 თვემდე (პრაქტიკის ხანგრძლივობა შეთანხმებული იქნება ინდივიდუალურად, თითოეულ კანდიდატთან) შემდეგ ქალაქებში: აუგსბურგი, მიუნხენი, პასაუ, ფიურტი, ნარბურგი.
პროგრამაში მონაწილეობის მიღება შეუძლიათ მაგისტრატურისა და დოქტორანტურის სტუდენტებს და კანდიდატებს ზემოთ აღნიშნული სპეციალობებით, ასევე იმ პირებს, რომლებმაც უკვე დაასრულეს უმაღლესი სასწავლებელი 2021-2022 წწ.
პრაქტიკის ფარგლებში ყოველთვიური ანაზღაურება შეადგენს 2000 ევროს (Brutto) თვეში
გერმანული მხარე შერჩეულ კანდიდატებს დაუფინანსებს მგზავრობის ხარჯებს (ორივე გზის ავია – ბილეთი) და საელჩოში ვიზიტის საფასურს.
გერმანიაში პრაქტიკის მიღების მსურველებს შეუძლიათ CV გამოაგზავნონ შემდეგ ელ. მისამართზე: gdzpraktikum@gmail.com